ಪಾಪಸ್
First Published: 27 Apr 2014 02:00:00 AM IST
ಪದ್ಯಪ್ರದೇಶ
ಸುಡುಬಿಸಿಲು ಜಡಿಮಳೆಗೆ
ಕೊರೆವ ಚಳಿಗೂ
ಹೂ ಹೊತ್ತು ನಿಂತು ನಗುವ
ಪಾಪಸ್ ಜಾತಿಯ ಗಿಡದ ಹೆಸರು ತಿಳಿದಿಲ್ಲ
ನೀರು ಹಾಕದ ಮನೆಯೊಡತಿಯನ್ನೂ
ಹೂ ಬೇಕೇ ಕೇಳುತ್ತದೆ
ಬಾಬ್ಕಟ್ ತಲೆಯ ಆಕೆಗಲಿಬಿಲಿಗೊಳ್ಳುತ್ತಾಳೆ
ಯೋಚಿಸುತ್ತಾಳೆ ಹೂ ಯಾರಿಗೆ?
ತಡವರಿಸುತ್ತಾಳೆ,ನಮ್ಮ ಮನೆಯ
ಆಧುನಿಕ ದೇವರು ಹೂ ಮುಡಿಯುವುದಿಲ್ಲ!
ಸಂಜೆ ನೋಡುತ್ತಾಳೆಬರಗಾಲದಲ್ಲೂ
ನಿತ್ಯ ಕೊಡಪಾನ ಕಾವೇರಿ ಕುಡಿವ ತುಳಸಿಗೆ
ಚಿಗುರುವ ಮನಸ್ಸೇ ಇಲ್ಲ
ಎಂದೋ ತಂದಿಟ್ಟ ದಿನದಿಂದಲೂ
ನೀರು ಕೇಳದ 'ಪಾಪ'ಸ್ ಹೂ
' ಹಿಡಿದು ಕುಳಿತಿದ್ದಾಳೆ
ಮರಳುಗಾಡಿನ ಗಿಡಕೆ ಕೊನೆಗೂ
ಮಲೆನಾಡಿನ ಕಾವೇರಿ ಸ್ಪರ್ಶ
ಪುಳಕಗೊಂಡಿದ್ದು ಜೀವಜಲವೇ
ಪಾಪಸ್ ನಿರ್ಲಿಪ್ತ, ಸಂತೃಪ್ತ.
-ರೇಶ್ಮಾ ರಾವ್ ಸೋನ್ಲೆ
3 ಕಾಮೆಂಟ್ಗಳು:
Chandada kavana... nija jivana dallu intha halavaru bada papas hagu srimanta tulasi galannu nodiddene.. nicely expressed.
ಆಧುನಿಕತೆ ಮತ್ತು ಅದಕ್ಕೆ ಜೋಡಿಸಿದ ಪಾಪಸ್ ಹೂವಿನ ಪರಿಕಲ್ಪನೆ ನನಗೆ ತುಂಬಾ ಇಷ್ಟವಾದವು
ಚೆನ್ನಾಗಿದೆ.. :)
ಕಾಮೆಂಟ್ ಪೋಸ್ಟ್ ಮಾಡಿ